19. Contorno de Execución Xava

     Xava é a tecnoloxía propietaria creada por Sun microsystems (agora subsidiaria de Oracle) para executar programas de linguaxe Xava compilados a código intermedio bytecode en máquinas virtuais Xava implementadas en todo tipo de plataformas.  Xava SE é a edición de Xava creada para estacións de traballo, e non podía faltar nesta lista por seres imprescindible.

     Sun microsystems ofrece gratuitamente (ata de agora) o contorno de execución Xava, consistente na máquina virtual xunto con bibliotecas.  Áchase dispoñible tanto para Windows NT coma para GNU/Linux na páxina web http://java.sun.com/javase/downloads/index.jsp.  Ademais, existen numerosas implementacións de programación ceibe; Trisquel, ao nutrirse exclusivamente desta, incorpora de xeito nativo unha destas implementacións.

     O contorno de execución Xava é unha ferramenta utilizada por outras ferramentas, pero aínda así conta cun panel de control para a súa configuración. Por desgraza, non está dispoñible en galego (e na implementación usada en Trisquel, tampouco en español).

Panel de control de Xava en Microsoft Windows NT 5.1	Panel de control de Xava en GNU/Linux openSUSE 11.3
Panel de control de Xava en Microsoft Windows NT 6.0	Panel de control de Xava en GNU/Linux Ubuntu 9.10
Panel de control de Xava en Microsoft Windows NT 6.1	Panel de control de Xava en GNU/Linux Trisquel 3.0 STS

Creado o 29 de xaneiro de 2010

Actualizado o 27 de xullo de 2010