11. Navegador

     O navegador seleccionado, por ser na data actual o único que cumpre tódolos criterios e áchase dispoñible nos cinco sistemas operativos seleccionados, é Mozilla Firefox.  Trátase de programación ceibe desenvolvida baixo a tripla licenza MPL, GNU GPL e GNU LGPL pola Fundación Mozilla e a súa entidade subsidiaria a Corporación Mozilla, coa colaboración da comunidade adicada á programación ceibe.

     A tradución ao galego, feita no pasado por Mancomún, Centro de Referencia e Servizos de Software Libre de Galiza (www.mancomun.org), atópase actualmente nas mans da comunidade adicada á programación ceibe.  Sucede o mesmo que co OpenOffice.org: aínda que Mozilla Firefox é nativamente multilingüe en Ubuntu e Trisquel, en Windows NT é preciso realizar unha dobre instalación: primeiro instalar o programa en español ou galego, e despois instalar o paquete de idioma da outra lingua, asegurándonos de que ambos correspondan á mesma versión.  Este emparellamento adoita resultar difícil de acadar, salvo coas versións máis importantes.

     Mozilla Firefox é un dos programas que cambian automaticamente de lingua en Windows NT cando o sistema operativo o fai.  Ademais de contar coa interface nas dúas linguas, para completar o bilingüismo faltan os correctores ortográficos; e alén diso, o autor recomenda complementos para cambiar máis rapidamente de idioma.  Todos estes complementos, para unha referencia máis actualizada, áchanse seleccionados na colección Firefox bilingüe gallego/español, publicada en www.mozilla.org.

     Ademais, precísase dun reprodutor de Adobe Flash, a tecnoloxía propietaria de Adobe Systems para codificar audiovisuais.  A pesar das súas frecuentes fallas de seguridade, seleccionamos o reprodutor gratuíto (ata de agora) de Adobe Systems, dispoñible nos catro sistemas operativos seleccionados e que se pode acadar no enderezo web http://get.adobe.com/es/flashplayer.  Existen implementacións de Flash en programación ceibe, pero aínda non dan o mesmo servizo.  Este reprodutor carece de interface, pois soamente comunícase co usuario durante a instalación e a actualización; pero por desgraza a única lingua dispoñible é o español.

Mozilla Firefox en Microsoft Windows NT 5.1	Adobe Flash en Microsoft Windows NT 5.1
Mozilla Firefox en Microsoft Windows NT 6.0	Adobe Flash en Microsoft Windows NT 6.0
Mozilla Firefox en Microsoft Windows NT 6.1	Adobe Flash en Microsoft Windows NT 6.1
Mozilla Firefox en GNU/Linux openSUSE 11.3	Adobe Flash en GNU/Linux openSUSE 11.3
Mozilla Firefox en GNU/Linux Ubuntu 9.10	Adobe Flash en GNU/Linux Ubuntu 9.10
Mozilla Firefox en GNU/Linux Trisquel 3.0 STS	Adobe Flash en GNU/Linux Trisquel 3.0 STS

Creado o 29 de xaneiro de 2010

Actualizado o 27 de xullo de 2010